ФІЛЬМЫ
Ульяна Віннік - носьбіт мясцовых ткацкіх традыцый
Вёска Боркі. Вандроўкі па Ганцавіцкім Палессі. Выпуск 1.
Першы фільм з цыклу “Вандроўкі па Ганцавіцкім Палессі” пра Ульяну Пятроўну Віннік, родам з вёскі Хатынічы Ганцавіцкага раёна, больш за сорак год працавала ў вёсцы Боркі, дзе і жыве цяпер. Дом Ульяны Пятроўны — сапраўдная скарбонка. Стаў (ткацкі станок), ручнікі, тканыя посцілкі ды паясы — усё зроблена таленавітай майстрыхай.
Вандроўкі па ганцавіцкім палессі
Вёска Раздзялавічы. Вандроўкі па Ганцавіцкім Палессі. Выпуск 2
Завіталі ў вёску Раздзялавічы Ганцавіцкага раёна Брэсцкай вобласці, што размешчана сярод балотаў. Сустрэліся з народным аўтэнтычным гуртом «Завіца», які ўвабраў у сябе культурную спадчыну сваёй вёскі, захаваўшы мясцовы старажытны выканальніцкі стыль. Пагутарылі аб лёсе жанчыны і пабачылі розныя спосабы завязвання хустак.
Вясельны вянок, намітка, традыцыйныя торбачкі. Вандроўкі па Ганцавіцкім Палессі
Вёска Люсіна. Вандроўкі па Ганцавіцкім Палессі. Выпуск 3.
Завіталі ў вёску Люсіна, у якой настаўнічаў малады Якуб Колас і пра якую напісаў потым аповесць «У палескай глушы». Пагутарылі аб вобразе маладзіцы, зафіксавалі спосаб завівання наміткі і даведаліся гісторыю традыцыйных палатняных торбачак.
З чаго складаўся мясцовы строй і як яго насілі? Вандроўкі па Ганцавіцкім Палессі
Вёска Хатынічы. Вандроўкі па Ганцавіцкім Палессі. Выпуск 4
Вёска Хатынічы Ганцавіцкага раёна Брэсцкай вобласці — месца, дзе да гэтага часу захавалася і жыве традыцыйная культура. Пагутарылі з гуртом “Хатовічы” пра тое, якая спадніца лічылася самай прыгожай, дзе яшчэ выкарыстоўваліся паясы. Вучымся завіваць намітку
Калядныя спеўкі ў палескай глушы
Святочная анлайн-прэзентацыя праекта
ў вёсцы Хатынічы Ганцавіцкага раёна. Традыцыйныя спевы,
унікальны абрад “Застрыг маладых” і “Завіванне наміткі”.
Беларускі традыцыйны строй – частка 1
Гісторыя народнага адзення Беларусі: ад тэрміналогіі да асаблівасцяў кожнага з элементаў. Разбіраемся з даследчыцай традыцыйнага строю — Аляксандрай Мятлеўскай.
Беларускі традыцыйны строй – частка 2
У другой частцы ўводнай лекцыі высвятляем, чым жа адрознівалася святочнае і паўсядзённае адзенне, як адзенне вызначала шлюбны статус і ўзрост. Закранаем сезонныя асаблівасці і нават гісторыю бялізны.
Беларускі традыцыйны строй – частка 3
Беларускі традыцыйны строй – частка 4
ПЕРАКЛАДЧЫК
Рэжысёр фільма — Кася Растоцкая
Пакінуць свой адметны след на зямлі мае магчымасць кожны чалавек: ён можа пасадзіць сад, годна выгадаваць дзяцей, пабудаваць царкву, самааддана паслужыць веры, Айчыне, людзям або справе свайго жыцця.
І для нашага земляка Фёдара Данілавіча Клімчука такім прызваннем, якому ён без шкадавання і на працягу многіх гадоў ахвяраваў увесь свой час, сілы, веды і здольнасці, стала яго праца па захаванню гаворкі і фальклорнай спадчыны сваёй роднай вёскі Сіманавічы і ўвогуле — па даследаванні, вывучэнні, навуковай класіфікацыі разнастайных заходнепалескіх дыялектаў. Ён быў не проста вучоным, фалькларыстам, глыбокім знаўцам мовы і традыцыйнай культуры заходняга Палесся, а яшчэ і актыўным папулярызатарам гэтай самабытнай духоўнай спадчыны. Яго старанне ўвасобілася ў шматлікіх артыкулах і выданнях, і да астачы сваіх дзён ён не пераставаў спадзявацца на тое, што выйдзе ў свет і знойдзе свайго чытача і кніга “Новага Запавету”, перакладзеная ім на гаворку роднай вёскі Сіманавічы.
САПРАЎДНЫ (2020)
Рэжысёр фільма — Кася Растоцкая
У вёсцы Стахава, у глыбіні Палесся, жыве айцец Васіль Лясько, які арганічна спалучае ў сабе тры іпастасі. Ён сапраўдны святар: больш за 40 гадоў аддаў служэнню царкве, за што быў пераследаваны камуністычным рэжымам.
Ён сапраўдны сем’янін і захавальнік сямейных каштоўнасцяў: выгадаваў чацвярых дзяцей.
І ён сапраўдны паляшук, бо ведае на памяць і спявае сотні народных песень сваёй мясцовасці.
